Sa paglisan ng tagak kasabay ang paglisan ng halimuyak
na minsang ninais at pinagkait sa pagpikit ng miminsang tadhana.

Minsa'y nagwika: alam mo kung sino
                                             kilala mo kung sino
                               at ang muntikang kalabit ng gatilyo sa kuwarenta'y singko.

Ang pait ay tumuldok sa himpapawid, at panawid gutom ang pulburang bumura sa kamalayan.

         Naglaho na ang pag-asa. Naglaho na ang pananabik. Naglaho na ang magtataho sa tahol ng mga
                                                                                                                                                             aso.

Tapos na ang mga kahol & ikaw ay kuhol: Isang aninong nakahawla, patingin-tingin at bumabanat
      ng mga katagang: paano kaya kung, ano kaya kung ako

Subalit alam mo ang dahilan ng paglayas ng kalayaan:

      Malawak ang himpapawid, malalim ang dagat & mabangis ang lupa.